第一次為此公司出business trip，阿head之前已跟我說要逗留一星期廣州, 即是要帶gip啦, 真係麻鬼煩! 晨早聯同同事及兩大阿head坐公司直上廣州, 足三個鍾到會場. 唔講仲以為係機場, 大到爆~~由落坐車行去門口都要十五分鍾....雖然canton fair都辦了好幾年...仲話幾成功!! 但係都係個句, 亂到爆, 人多, 無秩序, 指示不清晰...一字記之曰"亂". 由於要pass至可以入到場, 所以要同事到門口接應, 已估到同事要找我們的所在位置都不易...半小時過後.....打給同事...我們在zone B...你位置在哪? 同事覆"我都是在zone B, 不見你們?...." 其中一同事已行出人群搜索同事....隔了十五分鍾....還未見人? 再打...基本上每5分鐘一找....一個小時後...他終於知道我們的位置了, 可以進場. 這才是開始.
這個會場真係非常非常的大...都唔知大到有幾多個足球場?? 都係貫徹中國特色"亂"....雖然分了好多個館, 不同館都展不同的產品. 但我們處身的館應該是雜館, 一進埸是擺放多部名貴房車的....鄰近卻有巨型大按摩池...再行前些...一切家電用品都有....終於見到我們的booth...都是大....但沒客人...悲哀!! 沒客人, 只好出去逛逛吧! 眼見有各地美食的booth....可以歸類為澳門街:咀香園牛肉乾, 蛋卷都有...韓國街, 紅酒區, 咖啡區...包羅萬有@@!!!
六時正收booth, 急急回酒店check in, 我與同事住一間三人房, 間房大個我間屋~~成班同事去附近中菜餐館吃晚飯. 由於今日的生意額是零, 經他們高層商議後, 6日1夜改為兩日1夜的行程, 我們香港同事可提早離開.
正因如此, 我們初想每晚的自由活動要濃縮一晚完成. 吃完晚飯, 我兩即急急打的往最近的購物中心"天河城", 我兩的目的不是購物, 同事目標是nail nail, 我目標是泵骨. 逛一逛, 視察了地方, 找了一間弄nail nail, 整了近兩小時, 出門口已是十二時多...要回酒店了...但還是想腳底按摩, 幸好有一間是距離酒店只有三分鍾路程的. 洗完澡再前往, 大家一身睡衣走到按摩中心, 原來他們準備收工, 但有客人到, 他們又怎會下班呢? 鬆一鬆後已是兩點多, 好累了!! 兩點半大家good night了!!
8點大家準時到樓下吃早餐, 但我真的不在狀態, 很眼訓~~不知不覺地到了三時多, 我兩香港同事各做了一張單..有交代! 聽另一位香港同事說昨晚會香港時用了五六個鍾, 由於我們要聯同高層一起回港, 所以優先地四時離開會場, 開了我們"走命"回香港的旅程了. 會場的的士站要行過長長的樓梯才可以搭的士, 大家手持重重的gip行每一級, 天氣已經熱, 行完之後"濕哂"!! 不知是不幸是慶幸, 我們的的士中途死火...慢駛加無冷氣...當我們話要換車之際, 司機突下車, 開了車頭蓋, 不消三分鍾, 返回開車, 又真係無事, 好似無問題咁, 真係咁都得!!
急急下車, 即撲去買費, 說廣州去深圳即班....那邊答5:41pm企位...買不買? 下班幾點? 答: 不知....晚點..所有車都晚點. 唔係呀o麻! 另一邊廂, 同事撲去買廣州直通香港, 不知是好彩定不好彩...買到6:08pm費! 好啦~~走去check in....其實大家心知不妙....廣播不繼說出4:15pm車晚點...未能如時上車....那我們這班會什麼時候可上車? 晚點, 誤點, 無點, 到不知想點!!? 7:00pm先上4點o既客~~咁照常理推斷...我們保守估計都要8pm先可以上得車...無可奈何地在侯車室坐及等...真的..到8 點多才上車...8:20才開車, 等車都等了三個多小時. 我與同事都不約而同說要在車上大覺訓....但不知怎樣, 我兩傾計傾全程...忘記了睡覺!! 10:30終於到香港了, 艱苦的business trip...等o既時間仲多過我做o野時間...無奈!
真是經典: 由廣州到香港用了六個多小時, 真是笑死人兼嚇死人!!
Subscribe to:
Post Comments (Atom)
No comments:
Post a Comment